Mazhya Kavita

पुरुषसत्तेने मासिकपाळी ठरवला हा विटाळ सांगा आता उद्याची कशी होईल सकाळ स्रिया या जातिव्यवस्थेचे आहेत प्रवेशद्वार समाजच का टाकतो वाळीत जेव्हा येतात ते दिन चार धर्मसत्ते आडून पुरुषसत्तेला स्रियांना नियंत्रित करण्याची आहे मुभा मग का नाही राहत पुरुष तिच्यासोबत उभा कधी विचारलं का कुणी स्त्रीला नैसर्गिक लैंगिक सुखाविषयी काय वाटते त्या मासिकपाळीपासून तिला नैसर्गिक सुखाची ओढ का वाटू लागते महिलांना आलेले चार दिन सुखावणारे असतील का सांगा आता तिला एका कोपऱ्यात बहिष्कृत करण्याचे दिन संपतील का श्री.श्रीकांत गोविंदराव पाटील धुळे महाराष्ट्र ९४०४४७५२८६

विठ्ठलाच्या पाठी खंबीरपणे उभी राहणारी रखुमाई तू..... वारकर्यांची वारी तू..... आजची,उद्याची आणि परवाचीही नारी तू..... अज्ञाननाचा काळोख दूर करणारी पहाट तू..... दूर जंगलाच्या अंधकारात भरकटलेल्या मनुष्याची वाट तू..... जीवनाचा गुंता अलगद सोडवणारी कात्री तू.... शिक्षणाचा प्रसार करणारी सावित्री तू..... शिवरायाना अन्याया विरुद्ध लढायला शिकवणारी जिजाऊ तू..... ज्ञानाचा प्रसार करण्याऱ्या ज्ञानदेवांची मुक्ताई तू.... आणि माझ्या परसघरातील जाई तू जुई तू...... माझ्या सांसारिक दुःखाची राख करणारी चिता तू.... माझी लाडकी अन तेवढीच प्रिय सुनीता तू..... श्री.श्रीकांत गोविंदराव पाटील धुळे, महाराष्ट्र ९४०४४७५२८६